منتدى الصداقة


ماذا اكتب عن الصداقه فانها أساس الكمال وماذا اكتب عن الاخوه في الله فإنها كنز من الجمال
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
المواضيع الأخيرة
» اهلا وسهلا
الإثنين أغسطس 10, 2015 6:42 pm من طرف sosobibicha

» هل تقبلوني
الإثنين أغسطس 10, 2015 6:40 pm من طرف sosobibicha

» صيانة داتاشو ان اى سى nec 19089 - 01000081193
السبت مايو 30, 2015 4:27 pm من طرف mai dawlia

» صيانة nec ان اى سى 19089 - 01000081193
السبت مايو 30, 2015 4:26 pm من طرف mai dawlia

» صيانة تليفزيون ان اى سى nec 19089 - 01000081193
السبت مايو 30, 2015 4:25 pm من طرف mai dawlia

» صيانة LED-LCD جولدى ستار GOLDSTAR 19089 - 01000081193
السبت مايو 30, 2015 4:14 pm من طرف mai dawlia

» GOLDSTARصيانة جولدى ستار 19089 - 01000081193
السبت مايو 30, 2015 4:13 pm من طرف mai dawlia

» صيانة lcd-ledبلوتوPLOTU 19089 - 01000081193
السبت مايو 30, 2015 4:12 pm من طرف mai dawlia

» PLOTUصيانة بلوتو 19089 - 01000081193
السبت مايو 30, 2015 4:11 pm من طرف mai dawlia

المتواجدون الآن ؟
ككل هناك 6 عُضو متصل حالياً :: 0 عضو مُسجل, 0 عُضو مُختفي و 6 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 38 بتاريخ الجمعة أغسطس 22, 2014 1:22 am
تنبيه


شاطر | 
 

 قصة سلمان الفارسي باللهجة الجزائرية

اذهب الى الأسفل 
كاتب الموضوعرسالة
بحر الأحزان
مديرة
avatar

عدد المساهمات : 196
نقاط : 131
تاريخ التسجيل : 21/01/2012
العمر : 23
الموقع : http://asdi9a.ibda3.org/

مُساهمةموضوع: قصة سلمان الفارسي باللهجة الجزائرية    الخميس يونيو 27, 2013 3:17 pm




 قصة حياة واسلام "سلمان الفارسي" رضي الله عنه 

سموه الفارسي لخاطرش النسب تاعه كان من بلاد فارس وهو كان ولد رجل غني وزعيم للفلاحين ومن كثرة اللي بوه كان يبغيه ويخاف عليه كان حابسه وساجنه فالدار 

الديانة تاع سلمان الفارسي كانت المجوسية وكانو مقدسينها بزاف لدرجة انهم ماكانوش يخلو النار تطفى 

وفي وحد النهار رسله بوه لوحد الضيعة كانت عنده وهو رايح فالطريق فات (مر) على كنيسة سمعهم يصلو عجباته التراتيل اللي كانو يقولو فيها فقرر باش يعرف هاد الديانة ويدخل فيها بصح كي شور للدار خبر بوه بواش سمع وقرر بصح بوه رفض وحطله سلسلة في رجليه وحبسه 

سلمان الفارسي بعث للقساوسة باش يروح معاهم للشام ونجح باش يسلك روحه وسافر معاهم ثم عاش مع وحد القس يخدم فيه ويتعلم منه بصح كان يشوف فيه صفات وتصرفات ماكانتش تعجبه مثلا كان يدي التبرعات لنفسه ومايعطيهاش للفقراء 

هادا القس مات وجا واحد اخر من وراه بغاه بزاف سلمان لخاطرش كان زاهد فالدنيا وكي بغا يموت وصى سلمان باش يروح عند رجل فالموصل فيه نفس الصفات وهكا قعد سلمان كل ما يجي يموت قس يرسله عند قس في بلاد اخرى حتى في اخر مرة قال له القس نبعثك لرجل مبعوث من دين ابراهيم ياكل الهدية ومايقبلش الصدقة وعنده علامات نبوة وخاتم في كفاه (قفاه) كي تشوفه تعرفه

سلمان كان ورث بزاف البقرات والغنم من ترحاله وخدمته عند القساوسة وفي وحد اليوم شاف قافلة عرض عليهم باش يعطيهم البقرات والغنم بشرط يوصلوه لجزيرة العرب بصح فالطريق خدعوه وباعوه لواحد يهودي في بلاصة يقولولها وادي القرى من بعد زاد اشراه رجل اخر هو تاني يهودي داه معاه للمدينة وكي شافها سلمان عرفها بلي هادي هي البلد اللي وصفوهاله وقعد في قباء حتى بعث الله نبيه محمد صلى الله عليه وسلم وفي وحد النهار دخل (سلمان الفارسي) على الرسول في وحد المجالس كان فيها مع اصحابه قاللهم " عندي طعام نذرته صدقة وكي قالولي على مجلسكم هذا قلت بلي انتوما احق بيه" رد الرسول عليه الصلاة والسلام لصحابه " كولو بسم الله" بصح هو ماكلاش 

سلمان قال في نفسه "هادي الصفة اللولة مايكلش الصدقة" 

الغدوة رجع سلمان لمجلس الرسول وقاله بلي سمعت بلي ماتكلش الصدقة واليوم جبتلكم هبة (هدية) قال الرسول صلى الله عليه ويلم 

"كولو بسم الله " وكلا معاهم 

سلمان قال في نفسه هادي الزاوجة ياكل ويقبل الهدية""

فاتت الايام وكان الرسول رجع من جنازة وكان لابس برنوس دايره على كتافه سلمان قعد يحاول باش يشوف خاتم النبوة بين كتاف الرسول صلى الله عليه وسلم وهو عرف نيته راح منحي البرنوس من على كتافه باش سلمان يتأكد 

سلمان شاف الخاتم كيما وصفوهله ركع تحت رجلين الرسول صلى الله عليه وسلم وقعد يبكي نوضه الرسول وسقساه على قصته و أسلم 

كتب الرسول لسيد سلمان اللي كان مالكه باش يحرره وطلب من الصحابة باش يعاونوه ورجع سلمان مسلم حر وشهد عدة غزوات مع الرسول صلى الله عليه وسلم أشهرها غزوة الخندق واللي فيها نصح سلمان المسلمين باش يحفرو خندق باش يتقو شر الكفار

سلمان الفارسي كان يكره الامارة وقال " إن استطعت أن تأكل التراب ولا تكونن أميرا على اثنين فافعل" 

موت سلمان الفارسي

سلمان كان مخبي حاجة عزيزة عليه بزاف عند مرته ونهار قرب يموت طلب منها باش تجيب له واش راه داس عندها وكانت سرة تاع مسك وطلب منها باش تجيبله شوية ماء ورش هاديك الريحة تاع المسك من حوله وقاللها راه حدايا ناس ماياكلوش ومايشربوش بصح يبغو ريحة المسك وطلب منها باش تروح وتبلع الباب من موراها 

كي ولات بعد شوية لقاته مات وراحت روحه الطاهرة لمولاها



حكيتكلكم القصة باختصار لطول سيرته وانجازاته وخصاله 

ان شاء الله مايكونش فالقصة خطأ عن غير قصد 

و ان شاء الله تعجبكم 

الى حين قصة اخرى تقبلو مني فائق الاحترام والتقدير

سلام
منــــقول للفائدة 


goldy22



اللهم صلي وســــــــــــــــــــــــــــــلم وبارك على ســــــــيدنا محمد الهادي الامين


manga10
كتاب ربي
الرجوع الى أعلى الصفحة اذهب الى الأسفل
http://asdi9a.ibda3.org
 
قصة سلمان الفارسي باللهجة الجزائرية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الصداقة  :: نجومنا-
انتقل الى: